वेलीवर येणारे तोंडल्याचे फळ (Ivy gourd) बोटांएवढे लांब, अंगठ्याएवढे जाड, लंबगोल, हिरवट रंगाचे, टोकदार असून पिकल्यावर लाल होते. तोंडली दोन प्रकारात येतात. फिकट हिरवी व गर्द हिरवी तसेच कडू आणि गोड. तोंडल्यांची भाजी केली जाते. तोंडल्यांची भाजी गोडा मसाला व दाण्याचे कूट घालून अत्यंत रुचकर लागते. भरली तोंडली त्यांच्या आंबट चटणीमुळे जिभेला चव आणतात.
तोंडल्याचे फळाचे फायदे तुम्हाला माहित आहे का? |Ivy gourd health benefits in marathi
- तोंडली गोड, पचण्यास जड, थंड, रक्तविकार, रक्तपित्त दूर करतात तसेच ती स्तंभक व रुची उत्पन्न करणारी असून मलावरोध व पोटात वायू भरणे आदी तक्रार वाढवतात.
- कडू तोंडली तिखट, अग्नीप्रदीपक, अरुची, श्वास, खोकला दूर करतात. कडू तोंडल्यामुळे उलटी होते तसेच पांडुरोग, कफविकार, रक्तविकार यांमध्ये फायदा होतो.
- मधुमेहाच्या रुग्णांसाठी तोंडल्याच्या भाजीचे सेवन फायदेशीर ठरते.
- तोंडल्यांच्या मुळाचे चूर्ण स्त्रियांना प्रदररोगामध्ये दिले जाते.
- विंचवाचा दंश झाला असता कडू तोंडल्याचा रस द्यावा.
हे सुध्दा वाचा:– मशरूम हे वजन कमी करण्यास मदत करतील, फक्त आहारात या पद्धतींचा समावेश करा
- जिभेला भेगा पडल्या असतील तर तोंडली दाताखाली चावत त्यातला रस काही काळ तोंडात घोळवत ठेवावा.
- दुखणाऱ्या, ठणकणाऱ्या जखमेवर तोंडल्याच्या पानांचा रस काढून चोळावा.
- गळू झाले असता त्यावर तोंडल्याच्या पानांचा रस लावावा किंवा पानांचे पोटीस बांधावे, गळू पिकून फुटते.
- लघवीच्या जागी जळजळत असेल तर तोंडल्याची 20 ग्रॅम पाने अर्ध्या लीटर पाण्यात उकळवून त्याचा काढा मधातून घ्यावा.
- तोंडल्याच्या मुळाची साल वाटून केलेला रस रेचक म्हणून फायदेशीर ठरतो.
- तोंडली किंवा त्याची भाजी वरचेवर खाल्ल्याने जिभेला जडत्व येते. तोतरेपणा, बोबडेपणाचा त्रास असणाऱ्यांनी तोंडल्याची भाजी खाणे टाळावे. तोंडल्याच्या सेवनाने मलावरोध होतो तसेच पोटात वायू धरतो.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.
