मित्रांनो चिंचेचा (tamarind) स्वाद आंबट, गोड व थोडासा तुरट असतो. पिकलेल्या चिंचेचा उपयोग आमटी-भाजीला आंबटपणा आणण्यासाठी व स्वादिष्ट बनविण्यासाठी होतो.पण आज आपण या पोस्टमध्ये चिंचाचे काही आरोग्यदायी फायदे जाणून घेणार आहोत.
चिंचाचे हे आरोग्यदायी फायदे तुम्हाला माहित आहे का? |Health benefits of tamarind in marathi
- चिंच पाण्यात भिजत घालून चांगली कुसकरून घ्यावी. नंतर ते पाणी गाळून प्यायल्याने पित्तामुळे होणारी उलटी बंद होते. त्या पाण्यात साखर घालून प्यायले असता उष्माघातातही फायदा होतो.
- एक किलो चिंच पाण्यात भिजत ठेवावी. नंतर थोडी कुसकरून ते पाणी अर्धे होईपर्यंत उकळावे. त्यात साखर घालून तयार केलेले हे सरबत रात्री घेतल्यास मलावरोध तर सकाळी उठून घेतल्यास पित्तविकार दूर होतात.
- वरील प्रकारे सरबत करून त्यात लवंग, मिरपूड, कापूर घालून घेतल्याने अरुची दूर होते.
- चिंचेच्या पाण्यात मीठ घालून प्यायल्याने शौचास साफ होते.
- चिंचेच्या पानांना वाटावे व त्यात सैंधव घालून हे मिश्रण गरम करावे. संधिवात, सांधे आखडणे यांच्या त्रासात ह्या मिश्रणाचा लेप सहन होईल इतपत गरम करून लावावा.
- मुरगळणे, मुकामार, अस्थिभंग झाला असता चिंच व आवळ्याची पाने वाटून त्याचा लेप लावावा.
- डोळे सुजल्यावर चिंचेची पाने वाफवून त्याचे पोटीस करून डोळ्यांवर बांधावे. चिंचेच्या पानांचा रस काढून तो साखरेतून खावा. संग्रहणी दूर होते.
हे सुध्दा वाचा:– ज्वारी खाण्याचे हे आरोग्यदायी फायदे तुम्हाला माहित आहे का?
- चिंचेची (tamarind) पाने तांदुळाच्या ध्रुवणात वाटून प्यायल्याने अतिसारामध्ये फायदा होतो.
- मूळव्याधीमध्ये चिंचेची फुले वाटून त्याचा रस घ्यावा किंवा चिंचेच्या फुलांची भाजी करून त्यात दही, धने, सुंठ व डाळिंबाचा रस घालून जेवणाच्या वेळी खावी. मूळव्याध बरी होते.
- चिंचेची फुले व चिंचोक्यातील गर बारीक वाटून ते मिश्रण शरीरभर चोळावे. घाम येणे, शरीर दुर्गंधीत होणे या तक्रारी दूर होतात.
- गळू पिकावे म्हणून तेथे चिंचोका वाटून लावावा.
- शरीरावरील सूज व ठणका यांचा त्रास होऊ लागल्यास चिंचेची पाने वाटून दुखऱ्या भागावर त्याचा लेप करावा.
- चिंच थंड व आंबट असल्याने जास्त प्रमाणात खाल्ल्यास खोकला, दमा, सांधे धरणे, संधिवात आदी त्रास होतात.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.
