मित्रांनो गवारीच्या शेंगांचा उपयोग आपण भाजीकरता करतो. निचरा होणाऱ्या चांगल्या, कोरडवाहू जमिनीत गवार रुजून येते. गवारीचे रोप दोन-तीन हात लांब वाढते. गवारीचे सर्वसाधारणपणे देशी व विलायती असे दोन प्रकार पडतात. कोवळी व मऊ गवार स्वयंपाकात वापरली जाते. गवारीच्या शेंगांचा खतासाठी व गुरांच्या खाण्यासाठीही वापर केला जातो. कोवळ्या शेंगांचा भाजीसाठी उपयोग होतो.
गवार खाण्याचे हे आरोग्यदायी फायदे तुम्हाला माहित आहे का? |Cluster beans health benefits in marathi
- गवार ही मूलतः मधुर, थंड, पित्तहारक, पौष्टिक, सारक, रुक्ष, जड, कफ व वायुकारक आहे.
- शरीराला कंड सुटत असल्यास गवारीच्या पानांचा व लसुणाचा एकत्रित रस काढून शरीरावर चोळावा.
- गवारीच्या पानांचा रस जखमेच्या व्रणावर लावल्यास जखम न पिकता लवकर भरून येते.
- गवारीच्या कोवळ्या पानांची भाजी खाल्ल्याने रातांधळेपणा दूर होतो.
हे सुध्दा वाचा:– मधुमेहाच्या रुग्णांसाठी मेथी एक वरदान आहे, जाणून घ्या त्याचे आश्चर्यकारक फायदे
- दुभत्या गुरांना गवार खाऊ घातल्यास गुरे भरपूर दूध देतात तसेच बैलांना शक्ती प्राप्त करून देण्यासाठीही त्यांना गवारीचा खुराक देतात. गवारीचा उपयोग डिंक बनवण्यासाठीही होतो.
- गरोदर स्त्रिया व वातूळ प्रकृतीच्या माणसांनी गवारीची भाजी खाणे टाळावे. जून झालेल्या गवारीची भाजी खाल्ल्यास पोटात कळ येऊन चक्कर आल्यासारखे वाटते. क्वचित चक्करही येते.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.
