अभिनेता, दिग्दर्शक आणि निर्माता सतीश कौशिक (Satish kaushik) यांनी 1983 मध्ये मासूम या चित्रपटातून करिअरला सुरुवात केली. मात्र, 1987 मध्ये आलेल्या मिस्टर इंडिया चित्रपटातील कॅलेंडरच्या व्यक्तिरेखेतून त्यांना ओळख मिळाली. आपल्या करिअरमध्ये त्यांनी जवळपास 100 पेक्षा जास्त चित्रपटांमध्ये काम केलं आहे.
अभिनेता सतीश कौशिक यांच्याबद्दल या गोष्टी तुम्हाला माहित आहे का? | Satish kaushik information in marathi
NSD मधून शिक्षण घेतले
सतीश कौशिक यांचा जन्म 13 एप्रिल 1956 रोजी हरियाणा येथे झाला. दिल्ली विद्यापीठाच्या किरोरी माल कॉलेज (Kirori Mal College) मधून त्यांनी पदवी संपादन केली. यानंतर, त्यांनी नवी दिल्लीतील प्रतिष्ठित नॅशनल स्कूल ऑफ ड्रामा आणि नंतर फिल्म अँड टेलिव्हिजन इन्स्टिट्यूट ऑफ इंडिया (FTII), पुणे येथे शिक्षण घेतले. सतीश कौशिक आणि अनुपम खेर (Anupam Kher) नॅशनल स्कूल ऑफ ड्रामामध्ये बॅचमेट होते. शिक्षणानंतर सतीश कौशिक मुंबईत आले आणि त्यांनी चित्रपटांमध्ये नशीब आजमावण्यास सुरुवात केली.
कापड कारखान्यात नोकरी
सतीश कौशिक यांना नोकरी न मिळाल्याने त्यांनी कापड कारखान्यात नोकरी सुरू केली. नादिरा बब्बरच्या थिएटर ग्रुपमध्येही सामील झाले. काही काळानंतर ते दिग्दर्शक शेखर कपूर याचे सहाय्यक बनले. सतीश कौशिक यांनी कुंदन शाह यांच्या ‘जाने भी दो यारो’ या चित्रपटाचे संवाद लिहिले आणि त्याच चित्रपटात त्यांना भूमिका मिळाली.
सतीश कौशिक यांना 1987 मध्ये आलेल्या मिस्टर इंडिया चित्रपटातून ओळख मिळाली. चित्रपटाच्या सेटवर सतीश कौशिक यांची बोनी कपूर आणि श्रीदेवी (sridevi) यांच्याशी मैत्री झाली. रूप की रानी, चोरों का राज या चित्रपटातून त्यांनी दिग्दर्शन क्षेत्रात पदार्पण केले.
हे सुध्दा वाचा- ज्येष्ठ अभिनेते देव आनंद यांचा जीवन प्रवास
या चित्रपटांचे दिग्दर्शन केले
सतीश कौशिक यांनी हम आपके दिल में रहते हैं, मुझे कुछ कहना है, सलमान खानचा तेरे नाम, ढोल आणि बधाई हो बधाई या चित्रपटांचे दिग्दर्शन केले होते. वैयक्तिक आयुष्याबद्दल बोलायचे झाले तर सतीश कौशिक यांनी 1985 मध्ये शशी कौशिक यांच्याशी लग्न केले. सतीश कौशिक यांचा मुलगा शानू कौशिक यांचे 1996 साली निधन झाले. त्यावेळी ते अवघे दोन वर्षांचे होते. 2012 मध्ये सरोगसीच्या माध्यमातून ते मुलगी वंशिकाचे वडील झाले.
Note: जर तुमच्याकडे Biography of Satish kaushik in marathi मध्ये अजून Information असेल, जर दिलेल्या माहितीमध्ये काही चुकीचं वाटत असेल तर तुम्ही कमेंट किंवा ईमेल मध्ये सांगू शकता. आम्ही ती माहिती अपडेट करू. तुम्हाला Satish kaushik information in marathi चांगली वाटली असेल तर तुम्ही WhatsApp, Facebook आणि sharechat वर Share करू शकता.
