मित्रांनो लॅपटॉपमधील टचपॅड (Laptop touchpad) उत्तम पोर्टेबिलिटीसाठी दिलेला असतो. ड्रायव्हर समस्या, हार्डवेअर समस्या आणि सॉफ्टवेअर समस्या यासारख्या विविध कारणांमुळे टचपॅड काम करत नाही. अनेक वेळा कामाच्या मध्येच टचपॅड बंद पडतो. अशा वेळी तुमचे महत्त्वाचे काम मध्येच अडकून जाते. सर्विस सेंटरकडे जाण्यापूर्वी, काही गोष्टी आहेत ज्या तुम्ही तुमच्या घरच्या घरी करु शकता. चला तर जाणून घेऊया कोणत्याही त्या गोष्टी.
लॅपटॉपचा टचपॅड काम करत नाहीये? मग ‘या’ टिप्स तुमच्यासाठी | Laptop touchpad not working? Then these tips are for you
हार्डवेअर मध्ये खराबी
तुमचा लॅपटॉप वॉरंटी अंतर्गत असल्यास, मदतीसाठी कंपनीशी संपर्क साधा. तुमच्या बोटांमधील घाण आणि तेल ट्रॅकपॅडवर जमा होऊ शकते, ज्यामुळे लॅपटॉपचे टचपॅड काम करणे थांबवू शकते. त्यामुळे लॅपटॉप वापरण्यापूर्वी टचपॅडची पृष्ठभाग मऊ कापडाने स्वच्छ करा.
ट्रॅकपॅडची सेटिंग्स तपासा
तुमच्या लॅपटॉपमध्ये हार्डवेअर समस्या नसल्यास, तुम्ही तुमच्या लॅपटॉपच्या ट्रॅकपॅड सेटिंग्ज तपासू शकता. तुमच्या लॅपटॉपमध्ये स्वतंत्र टचपॅड ऑन/ऑफ बटण असल्यास, ते एकदा नक्की तपासा. ट्रॅकपॅड योग्यरित्या कॉन्फिगर केले आहे की नाही हे पाहण्यासाठी कंट्रोल पॅनेलमधील टचपॅड सेटिंग्ज तपासा.
ड्राइव्हर अपडेट करा
विंडोज लॅपटॉपवर कोणतेही हार्डवेअर योग्यरित्या कार्य करण्यासाठी, त्याचा ड्रायव्हर असणे आवश्यक आहे. यासाठी तुम्ही स्टार्ट बटणाजवळ दिलेल्या सर्च बॉक्समध्ये ‘डिव्हाइस मॅनेजर (DeviceManager)’ टाइप करू शकता आणि येथे ‘माइस आणि इतर पॉइंटिंग डिव्हाइस (Mice and other pointing device)’ पर्यायामध्ये टचपॅडशी संबंधित माहिती तपासून पहा.
जेश्चर कंट्रोलला बंद करा
काही लॅपटॉप जेश्चर कंट्रोल वैशिष्ट्यांसह येतात, जे तुमच्या बोटांच्या जेश्चरसह कार्य करतात. तुम्ही टचपॅड सेटिंग्जमध्ये जेश्चर नियंत्रणे बंद करण्याचा प्रयत्न करू शकता. याशिवाय, तुम्ही तुमचा लॅपटॉप रीस्टार्ट करू शकता.
अँटी व्हायरस इंस्टॉल करा
जर तुमची सिस्टीम मालवेअरने प्रभावित झाली असेल, तर ते सिस्टीमचे कार्यप्रदर्शन खराब करू शकते. मालवेअरसाठी तुमचा लॅपटॉप स्कॅन करण्यासाठी अँटी-व्हायरस प्रोग्राम इंस्टॉल करा.
हे सुध्दा वाचा:- हे मालवेअर ॲप तुमचे बँकिंग माहिती चोरत आहे? कोणते आहेत ते ॲप्स
सिस्टीमला रिसेट करा
सिस्टम रिस्टोर हे एक साधन आहे जे तुमच्या लॅपटॉपच्या सिस्टममध्ये केलेल्या कोणत्याही छेडछाडीची दुरुस्ती करू शकते. तुम्ही अलीकडे कोणतेही नवीन सॉफ्टवेअर इन्स्टॉल केले असल्यास, तुम्ही तुमचा लॅपटॉप फॉरमॅट किंवा रीस्टार्ट करू शकता.
Note- मित्रांनो तुम्हाला ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.
