मित्रांनो जगभरात विविधतेसाठी प्रसिद्ध असलेला भारत नेहमीच लोकांच्या आकर्षणाचा केंद्रबिंदू राहिला आहे. गेल्या अनेक वर्षांपासून येथील संस्कृती आणि परंपरा लोकांना आपल्याकडे आकर्षित करत आहे. इथल्या बोलीभाषा, राहणीमान आणि पेहराव याची जगभरात स्वतःची वेगळी ओळख आहे. याशिवाय भारत आपल्या खाद्यपदार्थ आणि खास पदार्थांसाठीही प्रसिद्ध आहे. इथे असे अनेक पदार्थ चाखायला मिळतात, जे खाल्ल्यानंतर पुन्हा पुन्हा खावेसे वाटते. खाद्यपदार्थांच्या या वैशिष्ट्यामुळे येथे दूरदूरवरून लोक विविध पदार्थ चाखण्यासाठी येतात.
16व्या शतकात साथीच्या आजाराच्या उपचारासाठी चाट बनवली जात होती, चला तर जाणून घेऊया चाटचा इतिहास काय आहे? |Chaat history in marathi
चाटची सुरुवात कशी झाली?
मित्रांनो भारतात अनेक प्रकारचे स्ट्रीट फूड (street food) खूप प्रसिद्ध आहेत. चाट (Chaat) हा या पदार्थांपैकी एक आहे. जो प्रत्येकजण आवडीने खातात. तुम्हाला देशाच्या विविध भागात चाट चाखायला मिळेल. आंबट-गोड आणि मसालेदार चाट क्वचितच कोणाला आवडत नाही. हे दिसायला जेवढे स्वादिष्ट आहे तेवढेच ते खायलाही स्वादिष्ट आहे. यामुळे चाट बघून लोकांच्या तोंडाला पाणी सुटते. पण तुम्हाला माहीत आहे का की, तोंडाला पाणी सोडणारी चाटची सुरुवात कशी झाली. जर माहित नसेल तर आज आम्ही तुम्हाला या लेखाच्या माध्यमातून चाटचा रंजक इतिहास काय आहे ते सांगणार आहोत.
चाटचा इतिहास खूप रंजक आहे
आपण आजारी पडल्यावर डॉक्टर आपल्याला मसालेदार आणि तळलेले अन्न खाण्यास मनाई करतात. हे तुम्ही अनेकदा ऐकले असेल. यावेळेस आपल्याला डॉक्टर हलकेफुलके खायला सांगतात जे बिना तळलेले असतात. पण जर तुम्हाला अस सांगतील, एक आजारी पडलेली व्यक्ती चाट खाऊन चांगला झाला असेल तर, तुम्हाला ही गोष्टी ऐकून आश्चर्य वाटेल. मित्रांनो चटपटी चाटच्या इतिहासावर संशोधन करत असताना आम्ही प्रसिद्ध शेफ संजीव कपूर यांच्या वेबसाइटवर आलो तेव्हा आम्हाला मुघल सम्राट शाहजहानशी संबंधित एक मनोरंजक कथा मिळाली.
साथीच्या आजाराच्या उपचारासाठी चाट बनवली होती
मित्रांनो या कथेनुसार 16व्या शतकात जेव्हा सम्राट शाहजहान आणि त्याचे सैन्य यमुनेच्या तीरावर स्थायिक करण्यासाठी आले तेव्हा तेथील पाणी पिण्यायोग्य नव्हते. अशा स्थितीत दूषित पाणी प्यायल्याने कॉलराचा प्रादुर्भाव वाढला. कॉलराच्या साथीला प्रतिबंध करण्यासाठी त्या काळातील शाही वैद्यांनी सम्राटांना असे अन्न तयार करण्याचा सल्ला दिला ज्यामध्ये जीवाणू नष्ट करण्यासाठी वेगवेगळ्या चव आणि मसाल्यांचा समावेश असेल. वैद्य यांच्या सल्ल्यानुसार, तिखट, गोड आणि आंबट चवीचे मिश्रण मसाले, चिंच आणि औषधी वनस्पतींच्या पेस्टसह तयार केले गेले होते. जे त्या वेळी संपूर्ण दिल्लीतील लोक खात होते.
हे सुद्धा वाचा:- एक काळ फळ म्हणून ओळखल्या जाणाऱ्या टोमॅटोचा इतिहास तुम्हाला माहित आहे का?
आज जगभर प्रसिद्ध आहे चाट
साथीच्या आजाराच्या उपचारासाठी बनवलेल्या चाटची चव लोकांच्या ओठांना इतकी लागली की ती भारतभर लोकप्रिय झाली. अशा प्रकारे बनवलेली चाट ही ट्रीट म्हणून दक्षिण आशियापर्यंत प्रसिद्ध झाली आहे. केवळ भारतच नाही तर पाकिस्तान, नेपाळ आणि बांगलादेशातील लोकही चाट मोठ्या आवडीने घेतात. मित्रांनो तुम्हाला ही माहिती कशी वाटली कमेंटबॉक्स मध्ये नक्की सांगा ( मी आणि माझा मित्र सागर आजच मसालेदार चटपटीत शेवपुरीचा आनंद घेतला)
Note- मित्रांनो तुम्हाला Chaat information in marathi ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.
