मित्रांनो प्रत्येक करदात्याला सरकारकडून उत्पन्नावर काही विशेष सूट दिली जाते. ज्याद्वारे कोणताही करदाता त्याचे देणं घेणं कमी करू शकतो आणि कर वाचवू शकतो. अशीच एक सूट म्हणजे दीर्घकालीन भांडवली नफा कर ज्याला long term capital gain tax असे म्हणतात.
सरकार करदात्याला आर्थिक वर्षात रु. 1,00,000 पर्यंतच्या दीर्घकालीन भांडवली नफ्यावर आयकर सूट देते. याचा फायदा घेऊन तुम्ही दीर्घकालीन भांडवली नफ्याद्वारे एका वर्षात 1 लाख रुपयांपर्यंतचा कर भार कमी करू शकता. भारतात दीर्घकालीन भांडवली नफ्यावर 10 टक्के कर आकारला जातो. तर अल्पकालीन भांडवली नफ्यावर 15 टक्के कर आकारला जातो.
लाँग टर्म कॅपिटल गेनद्वारे तुम्ही दरवर्षी मोठी बचत करू शकता? याप्रमाणे योजना करा
लाँग टर्म कॅपिटल गेन टॅक्सपासून कसे वाचवायचे?
जर तुम्ही योग्य प्रकारे कर नियोजन केले तर तुम्ही दीर्घकालीन भांडवली नफा कराच्या माध्यमातून दरवर्षी सहज कर वाचवू शकता. यासाठी तुम्हाला दरवर्षी 1 लाख रुपयांचा दीर्घकालीन भांडवली नफा बुक करावा लागेल. अशा प्रकारे तुम्ही दरवर्षी 10,000 रुपयांपर्यंत कर वाचवू शकता.
उदाहरणार्थ, धीरज म्युच्युअल फंडात गुंतवणूक करतो आणि कधीही नफा वसूल करत नाही. 5 वर्षानंतर त्याला रु. 10 लाख दीर्घकालीन भांडवली नफा मिळतो. त्याला रु. 10,00,000 – 1,00,000 (त्या वर्षासाठी दीर्घकालीन भांडवली नफा सूट) = 9,00,000*10% = 90,000 रुपये कर भरावा लागेल.
हे सुध्दा वाचा:- उत्पन्नाच्या पुराव्याशिवायही तुम्ही गृहकर्ज मिळवू शकता,पण ते घेण्यापूर्वी ‘या’ गोष्टी लक्षात ठेवा
तर, सूरज म्युच्युअल फंडातही गुंतवणूक करतो आणि दरवर्षी रु. 1,00,000 चा दीर्घकालीन भांडवली नफा बुक करतो. यामुळे, 5 वर्षांनी संपूर्ण नफा बुक केल्यानंतर त्याचा दीर्घकालीन भांडवली नफा 6,00,000 रुपये होईल. त्या वर्षासाठी दीर्घकालीन भांडवली नफा कर सूट वजा केल्यावर कर फक्त 5,00,000 रुपयांवर असेल. अशाप्रकारे सूरजने धीरजच्या तुलनेत 40,000 रुपयांचा भांडवली नफा कर वाचवला. तुम्हीही अशाच प्रकारे कर नियोजन करू शकता.
कर नियोजन करताना या गोष्टी लक्षात ठेवा?
- जेव्हा तुम्ही दीर्घकालीन भांडवली नफा बुक करता तेव्हा ते त्वरित गुंतवले पाहिजे. अन्यथा तुम्हाला चक्रवाढीचा लाभ मिळणार नाही.
- कोणत्याही वर्षात दीर्घकालीन भांडवली तोटा झाल्यास हा लाभ मिळत नाही.
- तसेच तुमची गुंतवणुकीची शिस्त मोडता कामा नये हेही तुम्हाला लक्षात ठेवावे लागेल.
Note- मित्रांनो तुम्हाला ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.
