मित्रांनो अनेक गुणांनी युक्त अशी वांग्याची भाजी थंडीच्या दिवसांमध्ये अत्यंत आवडीने खाल्ली जाणारी लोकप्रिय भाजी आहे. महाराष्ट्रात काळ्या, पांढऱ्या रंगाची, गोल व लांबट आकाराची आणि काटेरी असे वांग्याचे प्रकार आढळतात. कोवळी वांगी गुणकारी व शक्तिवर्धक असतात.
वांगी खाण्याचे हे आरोग्यदायी फायदे तुम्हाला माहित आहे का? |Aubergine health benefits in marathi
- वांगी (Aubergine) उष्ण, ताप, वायू, कफहारक, मधुर, तीष्ण, वीर्यवर्धक, पचण्यास हलकी, अग्नीप्रदीपक असतात. लहान वांगी कफ व पित्तकारक असतात.
- पोट जड झाल्यास वांगी विस्तवावर भाजून त्यात सोडा घालून त्याचे मिश्रण एकजीव करून पोटावर बांधावे.
- वांग्याचे पोटीस गळवावर बांधल्यास गळू लवकर पिकते व फुटते.
- वांगे भाजावे व त्यात दही घालून ते मिश्रण नारू झालेल्या ठिकाणी लावावे त्यामुळे फायदा होतो.
- वांगे व टॉमेटो यांचे सूप करून प्यावे. मंदाग्नी, भूक न लागणे, अन्न न पचणे आदी विकार दूर होतात.
- कोवळे वांगे विस्तवावर भाजावे व त्यात मध घालून ते वाटण खाल्ल्याने चांगली झोप येते. निद्रानाशावर फायदा होतो.
- वांग्याचे भरीत किंवा भाजीमध्ये हिंग व लसूण घालून खाल्ल्याने पोटात गुबारा धरणे, वायुगोळा उठणे आदी विकार दूर होतात.
- मलेरियाच्या तापामध्ये शरीर पिवळे पडल्यास कोवळे वांगे विस्तवावर भाजून रोज सकाळी रिकाम्या पोटी गुळाबरोबर खावे.
हे सुध्दा वाचा:– जास्त प्रमाणात सप्लिमेंट्स सेवन केल्याने शरीराला अशा प्रकारे नुकसान होते
- धोत्र्याचे विष उतरण्यासाठी वांग्याचा 50 मि. लि. रस काढून प्यावा.
- अंडवृद्धी झाल्यास वांग्याच्या झाडाचे मूळ थंड पाण्यात उगाळून अंडावर त्याचा लेप करावा.
- वांगे उष्ण असल्याने ते वारंवार खाऊ नये तसेच उष्ण प्रकृतीच्या लोकांनी, पित्तप्रकृती, आम्लपित्त व मूळव्याधीचा त्रास असणाऱ्यांनी वांग्याचे सेवन बेतानेच करावे. वांग्याच्या अतिरेकी, अमर्याद सेवनामुळे वीर्य पातळ होते.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.
