आहारामध्ये आपण पपईचा वापर चटणी, कोशिंबीर, भाजी व सॅलड मार्फत करतो. पिकलेली पपई मधुर, वीर्यवर्धक, वातनाशक, पित्तनाशक व रुचकर असते तर कच्ची पपई कफ, पित्त व वायुप्रकोप करणारी असते.
पपई खाण्याचे फायदे तुम्हाला माहित आहे का? | papaya benefits in marathi
- पोटाचे विकार, अपचन यांवर पपई (pawpaw) गुणकारी असते.
- पपईच्या पानांपासून तयार केलेला चहा हृदयविकारामध्ये उपयोगी असतो.
- दररोज पपई खाल्ल्याने उंची वाढते, शरीराचे संवर्धन होते.
- पपईचे दूध पाचक, जंतनाशक, उदररोगहारक असते. यामुळे कृमी नष्ट होतात. पचन व्यवस्थित प्रकारे होते तसेच पपईच्या दुधात साखर घालून घेतल्याने अजीर्णही नाहीसे होते.
- कच्च्या पपईची भाजी अथवा कोशिंबीर अजीर्णाचा त्रास असलेल्यांसाठी अतिशय वरदायिनी ठरते.
- मलावरोध, आतड्यांची दुर्बलता तसेच उदररोग व हृदयरोग यावर पपईचे सेवन करणे हितावह ठरते.
- पपईच्या रसामुळे अरुची दूर होते. आतड्यामध्ये साचलेल्या अन्नाचा नाश होतो, डोकेदुखी (अजीर्णामुळे) दूर होते. तसेच आंबट ढेकरा येणे बंद होते.
हे सुध्दा वाचा:– नारळाचे फायदे तुम्हाला माहित आहे का?
- खरूज व गजकर्ण यांवर पपईचा चीक लावल्यास फायदा होतो.
- कच्च्या पपईचा रस तोंडावर चोळून लावल्यास मुरुमे नाहीशी होतात.
- डेंग्यूसारख्या आजारामध्ये पपई (papaw) खाण्याचा सल्ला दिला जातो.
- गरोदरावस्थेमध्ये स्त्रियांनी पपई खाणे टाळावे. पपई उष्ण असल्याने गरोदर स्त्रियांना त्याचा फार त्रास होतो.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.
