नमस्कार मित्रांनो, आज आपण मसाले व गरम मसाले संबंधी काही महत्त्वाच्या टिप्स जाणून घेणार आहोत. आपल्यासाठी ही माहिती खूप फायदेशीर राहणार आहेत. मसाले व गरम मसाले संबंधी कोण कोणत्या गोष्टींकडे लक्ष द्यावे ह्यासाठी ही पोस्ट खूप महत्त्वपूर्ण आहे. चला तर मग जाणून घेऊया.
मसाले व गरम मसाले संबंधी महत्वाच्या टिप्स | Important Tips for Using Herbs and Spices
- मसाले केल्यानंतर कोरड्या व घट्ट झाकणाच्या काचेच्या बरणीत भरून ठेवावेत म्हणजे मसाल्याचा वासही उडून जाणार नाही व रंगही कायम राहील.
- पावडरी करण्यापूर्वी मसाले चांगले वाळवून किंवा गरम करून केल्यास पावडरी बारीक दळल्या जातील. नाहीतर पावडरी चरचरीत राहतील.
- शेंगदाणा कूट किंवा खोबऱ्याचे कूट करताना मिक्सरमध्ये जास्त फिरवू नये. किंवा गरम असताना फिरवू नये. नाहीतर कुटाला तेल सुटून कूट चिकट होईल.
- कूट केल्यानंतर घट्ट झाकणाच्या बरणीत किंवा डब्यात ठेवल्यास चांगले राहते. तसेच पाण्याचा हात लावू नये म्हणजे खराब होणार नाही.
- ताक जर आंबट असेल तर त्यात भरपूर पाणी ओतून ठेवावे. ताक तळाला बसून वर पाणी राहील ते ओतून टाकले म्हणजे ताकाचा आंबटपणा जाईल.
- लोणी जर खूप दिवसांचे असेल व त्याला वास येत असेल तर पाण्यात खायचा सोडा घालून त्यात लोणी घालून धुवावे व नंतर चांगल्या पाण्याने धुवावे म्हणजे लोण्याचा वास निघून जाईल.
- लोण्याला जर वास येत असेल तर तूप कढवताना त्यात 1-2 विड्याची पाने टाकावीत म्हणजे लोण्याचा वास जातो.
- तूप कढवताना चिमूटभर मीठ टाकले म्हणजे तुपाला कणी येते.
- तूप जर कच्चे कढले तर तुपाला लवकर वास येऊ लागतो.
- सॉस बेताचे जाड व पूर्ण थंड झाल्यावर बाटलीत भरावे.
- सॉस टिकण्यासाठी त्यात सोडियम बेंझाइट किंवा पोटॅशियम मेटा बाय सल्फाइट घालावे. मेटाबाय सल्फाइटला उग्र वास जास्त येतो. सोडियम बेंझाइटला वास कमी असतो व चवही वेगळी लागत नाही.
Note- मित्रांनो तुम्हाला ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.