मित्रांनो जेव्हाही आपण आपला स्मार्टफोन कोणाला देतो तेव्हा आपल्या मनात एकच प्रश्न असतो, माझा स्मार्टफोन सुरक्षित असेल की त्याचा डेटा चुकीच्या हातात जाणार तर नाही ना. स्मार्टफोनमध्ये वैयक्तिक फोटो, व्हिडिओ अशा अनेक खाजगी गोष्टी असतात. तुम्हीही या तणावात राहत असाल तर तुमच्यासाठी एक आनंदाची बातमी आहे. सॅमसंग (Samsung)ने आपल्या नवीन अपडेटमध्ये युजरसाठी एक खास फीचर आणल आहे.
सॅमसंगचा या Maintenance mode ऑप्शन बद्दल तुम्हाला माहित आहे का? |How to use Maintenance mode on Samsung Galaxy phones
दक्षिण कोरियन स्मार्टफोन निर्माता सॅमसंगने अनेक नवीन फिचरसह गॅलेक्सी स्मार्टफोनसाठी Android 13-आधारित OneUI 5 अपडेट आणले आहे. लॉक स्क्रीन कस्टमायझेशन, होम स्क्रीनवर स्टॅक विजेट, स्लीप मोड यासारखे अनेक शक्तिशाली फीचर्स अपडेटमध्ये देण्यात आले आहेत. नवीन मेंटेनन्स मोड (Maintenance mode) फीचर देखील गॅलेक्सी स्मार्टफोनमध्ये जोडले गेले आहे, जे यापूर्वी Galaxy S22 वापरकर्त्यांसाठी बीटामध्ये सादर केले गेले होते.
सॅमसंगचा मेंटेनन्स मोड काय आहे? |What is Samsung’s maintenance mode?
सॅमसंगने मेंटेनन्स मोड सादर केला आहे जेणेकरुन युजर्स त्यांचा फोन दुरुस्तीसाठी पाठवताना किंवा दुसर्‍याला तो वापरू देत असताना त्यांचा डेटा सुरक्षित ठेवू शकतात. OneUI 5.0 (Android 13) वर चालणाऱ्या तुमच्या Galaxy स्मार्टफोनवर तुम्ही हे नवीन फीचर सहजपणे सक्रिय करू शकता.
गॅलेक्सी फोनमध्ये मेंटेनन्स मोड कसा चालू करायचा?
- सेटिंग्ज मेनूवर जा.
- बॅटरी आणि डिव्हाइस केअर पर्यायावर टॅप करा.
- त्यानंतर, मेंटेनन्स मोडसाठी टॉगल चालू करा.
- तुमचा फोन देखभाल मोडमध्ये रीस्टार्ट होईल.
हे सुध्दा वाचा:- इन्स्टाग्रामवर पोस्ट करण्यापूर्वी हे फीचर जरूर तपासा
Galaxy स्मार्टफोनवर मेंटेनन्स मोड कसा बंद करायचा?
तुमच्या Galaxy फोनवर हे फिचर बंद करण्यासाठी, फक्त सूचना पॅनल उघडा आणि मेंटेनन्स मोडवर टॅप करा. हे तुमचे डिव्हाइस रीस्टार्ट करेल आणि ते पुन्हा सामान्य होईल. लक्षात ठेवा की अनधिकृत युजर्स देखभाल मोड बंद करू शकणार नाहीत कारण मोडमधून बाहेर पडण्यासाठी फिंगरप्रिंट किंवा इतर बायोमेट्रिक ओळख आवश्यक आहे.
Note- मित्रांनो तुम्हाला ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.
