नमस्कार आज आपण पुदिन्याचे आरोग्यदायी फायदे जाणून घेणार आहोत. पुदीन्याची चटणी सर्वांना आवडतेच. स्वाद देण्याव्यतिरिक्त पुदीन्याची अनेक वैशिष्ट्यही आहेत. पुदीन्याची पानं हे अन्नाचं पचन करण्यासाठी फायदेशीर आहे.पुदिनाच्या पानांमध्ये कॅलरीचं प्रमाण कमी असते. शिवाय यामध्ये प्रोटीन आणि गूड फॅटही असतात. तसंच व्हिटॅमिन ए, सी आणि बी-कॉम्प्लेक्सच्या प्रमाणामुळे शरीर आरोग्यदायी राखण्यास मदत होते.
पुदिन्याचे आरोग्यदायी फायदे | Health benefits of mint
इतकंच नाहीतर पुदीन्याचे अनेक फायदे आहेत. आयुर्वेद तज्ज्ञांच्या म्हणण्यानुसार, पुदिना रक्ताच्या पीएचला अ‍ॅसिडिक होऊ देत नाही. त्याचप्रमाणे पुदीना हिमोग्लोबिनच्या पातळीत सुधारणा करण्यास फायदेशीर ठरतो. अजून कोणते फायदे आहेत खालील प्रमाणे जाणून घेऊयात.
सर्दी-खोकल्यासाठी फायदेशीर
पुदिन्याच्या वापरामुळे नाक, गळा आणि फुफ्फुस यांचं आरोग्य उत्तम ठेवण्यास मदत होते. पुदिन्यामध्ये अँटी-इन्फ्लेमेटरी गुणधर्म असतात. यामुळे पुदिनाचे सेवन केल्यामुळे खोकल्यापासून आराम मिळतो.घशामध्ये जर जळजळ होत असेल तर त्यावरही पुदीना उपयुक्त आहे.
वजन कमी करण्यास मदत
वजन नियंत्रित करण्यासाठी पुदिना उपयुक्त असल्याचे आयुर्वेद तज्ज्ञांचं म्हणणं आहे. पुदिनामुळे अन्न चांगल्या पद्धतीने पचतं. उत्तम मेटाबॉलिज्म वजन कमी करण्यास फायदेशीर असतो. त्यामुळे वजन कमी करायचं असेल तर पुदीन्याचं सेवन करा.
तोंडाच्या आरोग्यासाठी गुणकारी
पुदिनामुळे तोंडाचं आरोग्य उत्तम राहते. पुदिना तोंडाच्या आत वाढणाऱ्या बॅक्टेरियांना प्रतिबंध करतो. इतकंच नव्हे तर दातांवरील डाग दूर करण्यास पुदिनाची मदत होते. पुदिनाची पानं चावल्याने तोंडाला दुर्गंधी येत नाही.
इम्युनिटी वाढते
कोरोनाच्या कठीण काळात संसर्ग रोखण्यासाठी शरीरात चांगली इम्युनिटी पॉवर असण्याची गरज आहे. रोग प्रतिकारशक्ती वाढवायची असेल तर पुदिन्याच्या चटणीचा आहारात समावेश करा.रोगप्रतिकार शक्ती वाढल्याने शरीरातील विविध प्रकारचे आजार दूर होतात.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.