मित्रांनो स्वयंपाकघरात लसणीची फोडणी देताना जो घमघमाट सुटतो त्याने भुकेलेल्या माणसाची भूक खवळून उठते. पदार्थांची रंगत, चव वाढवणारी लसूण नित्य परिचयाची आहे. औषधासाठीही लसणीचा उपयोग होतो. लसूण पांढऱ्या व लाल रंगामध्ये आढळते.
लसूण खाण्याचे फायदे तुम्हाला माहित आहे का? |Garlic health benefits in marathi
- लसुणाच्या पाकळ्या चमचाभर तुपामध्ये तळून जेवणापूर्वी खाल्ल्यास आमवात बरा होतो.
- लसूण वाटून त्या लगद्यामध्ये हळद व गूळ घालून मुका मार बसलेल्या जागी त्याचा लेप लावल्यास फायदा होतो.
- जखमेच्या व्रणाला कीड लागली असेल तर लसूण व मिरे वाटून त्यांचा जखमेवर लेप द्यावा.
- लसूण बारीक वाटून कानशिलावर बांधल्यास अर्धशिशीवर उतार पडतो त्याचप्रमाणे लसणाचा रस नाकात घातल्याने अर्धशिशीवर फायदा मिळतो.
- लसणीचा रस सतत तीन दिवस नियमितपणे चोळल्याने उष्णतेमुळे शरीरावर पसरलेले चट्टे बरे होतात.
- जिरे, धने, मिरे, पुदिना, सैंधव व लसूण बारकी वाटून घ्यावेत. ही चटणी खाल्ल्याने वाढलेला रक्तदाब आटोक्यात येतो.
- लसुणाच्या पाकळ्या थोड्या चेचून तेलात घालाव्यात व तेल कडकडीत गरम करावे. तेल कोमट झाल्यावर त्याचे थेंब कानात घातल्याने कान दुखणे, कान पिकणे यावर गुण येतो.
- लहान मुलांचा डांग्याखोकला बरा होण्यासाठी लसुणाच्या पाकळ्या वाटून त्याची पुरचुंडी करून त्याचा वारंवार वास घ्यावा, वारंवार पुरचुंडीस हुंगावे.
- लसणाच्या पाकळ्या बारीक वाटाव्या व त्यांचा लगदा एका कापडाच्या
- पट्टीवर पसरावा. तळपायांना तेल लावून ती पट्टी तळपायांना बांधावी. सकाळ- संध्याकाळ अशा पट्ट्या लावल्याने फायदा होतो.
- लसूण वाटून तिळाच्या तेलात घालून खाल्ल्याने पोट फुगणे, वायुविकार आदी विकार बरे होतात.
- लसूण, खडीसाखर व सैंधव समप्रमाणात घ्यावे. हे मिश्रण चांगले वाटून त्यात गाईचे दुप्पट तूप घालून केलेले चाटण घेतल्याने. अजीर्ण, पोटात दुखणे, मंदाग्नी, खोकला, संधिवात यांमध्ये फायदा होतो.
- अरुची व अपचन झाले असता लसूण, मनुका, सैंधव, साखर व कोथिंबिरीची चटणी करून खावी.
- लसूण उष्ण, तिखट, तीक्ष्ण, पौष्टिक, वीर्यवर्धक, स्निग्ध, गरम व पाचक असते. * हाडास दुखापत झाली असता लसणाचे सेवन करावे.
हे सुध्दा वाचा:– काळे व पांढरे मिरे खाण्याचे फायदे तुम्हाला माहित आहे का?
- वायूमुळे पोटात दुखत असल्यास लसूण वाटून तुपात कालवावी व त्यावर गरम पाणी प्यावे. फायदा होतो.
- चेहऱ्यावर तजेला येण्यासाठी लसणीचे सेवन करावे. दररोज लसणीचे सेवन केले असता मलावरोध दूर होतो व शौचालाही साफ होते.
- शरीरात चमक, उसण भरल्यास किंवा कळा मारत असल्यास लसणीच्या रसामध्ये हिंग घालून दुखऱ्या भागावर चोळला असता गुण येतो.
- उचकी लागली असता लसूण खाल्ल्याने थांबते. लहान मुलांना नेहमी लसूण दिल्याने पोटातील जंत कमी होतात.
- लसूण ठेचून कापसात गुंडाळून दाढेखाली ठेवल्यास दाढदुखी बंद होते.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.