भाजी, आमटीमध्ये फोडणीच्या माध्यमातून मोहरीचा वापरली जाते. पांढऱ्या, काळ्या व लाल रंगामध्ये मोहरी मिळते. रायता व लोणच्यामध्येही राई घातली जाते.
मोहरी खाण्याचे फायदे तुम्हाला माहित आहे का? |Benefits Of Mustard Seeds In Marathi
- मोहरी मधात वाटून खाल्ल्याने सर्दी बरी होते.
- सर्दी झाली असता मोहरीच्या तेलाने नाकाला मालीश करावे.
- मोहरी पाण्यात भिजवून वाटावी. तो लेप पोटावर दिल्याने उलट्या होण्याचे प्रमाण लागलीच थांबते.
- मोहरीचे चूर्ण साखरेमध्ये मिसळून खाल्ल्याने व त्यावर थोडे पाणी प्यायल्याने अपचनामध्ये बरे वाटते.
- मोहरीचे तेल पायाच्या तळव्यांना चोळल्यास डोळ्यांमध्ये तेजस्वीपणा येतो. * मोहरीच्या तेलामध्ये हळदीची पूड मिसळून त्या मिश्रणाने दात घासल्याने पायोरिया दूर होतो. मीठ व मोहरीचे तेल एकत्र करून दात घासल्यास दात मजबूत व चमकदार होतात.
- मोहरीची पूड तुपामध्ये घालून नायट्यावर लावली असता फायदेशीर ठरते. तसेच जखमांमध्ये कीड पडली असेल तर मोहरीचे चूर्ण तूप व मध यांमध्ये कालवून व्रणावर लावल्याने कीड मरते.
- शरीरावर जखम झाली, त्वचा फाटून रक्त वाहू लागले तर मोहरीचे तेल लावल्याने रक्तस्राव थांबतो.
- मोहरीच्या तेलात कापूर मिसळून केसांना लावल्यास केस काळे होण्यास मदत होते.
हे सुध्दा वाचा:– धने खाण्याचे आरोग्यदायी फायदे तुम्हाला माहित आहे का?
- कान दुखत असेल, ठणका मारत असेल तर मोहरीच्या तेलात लसूण तळून, त्या तेलाचे काही थेंब कानात टाकावेत..
- मोहरीच्या तेलात कापूर मिसळून छातीला चोळला असता छातीमध्ये साचलेला कफ मोकळा होऊन पडतो व आराम वाटतो.
- रात्री झोपताना अंगाला मोहरीचे तेल लावल्यास अंग फुटत नाही…
- पाण्यात मोहरी वाटून त्याचा लेप लावल्यास आखडलेले खांदे मोकळे होतात.
- थंडीने हात, पाय व अंग थंड पडू लागल्याने मोहरीच्या तेलाने मालीश करावे.
- मोहरीचे सेवन जास्त प्रमाणात केल्यास उलटी होते.
- मोहरी उष्ण असल्याने तिचा वापर बेतानेच करावा. मोहरीच्या अतिरिक्त वापराने जठर व आतड्यांना हानी पोहोचू शकते.
Note – आरोग्यविषयक पोस्टमध्ये दिलेली माहिती प्राथमिक स्वरूपाची आहे. या माहितीचा उपयोग करण्यापूर्वी वैद्यकीय सल्ला नक्की घ्या.